Edukira zuzenean joan

Zer da CEDD

Desgaitasunari buruzko Espainiako Dokumentazio Zentroa (gaztelaniazko siglak, CEDD) Desgaitasunari buruzko Errege Patronatuak erakunde publiko eta pribatuei, profesionalei eta/edo desgaitasunaren alorrean interesa duen orori eskaintzen dion zerbitzu bat da. Espainian zein nazioartean sortzen den zientzia-literatura garrantzitsuena biltzen eta katalogatzen du, baita nazioarteko organismoek, administrazio publikoek eta Hirugarren Sektoreko erakundeek desgaitasunaren alorrean argitaratzen dituzten dokumentuak ere. 

Desgaitasunaren eta gizarte politikaren inguruko era guztietako gaiez diharduten argitalpen nagusiek, nazionalek zein atzerritarrek, osatzen dute dokumentu-funtsa.

CEDD zentroak honako zerbitzu hauek eskaintzen ditu:

  • Liburutegia, jendeari irekia (Ordutegia: astelehentik ostiraletan, 9:30etatik 13:30era).
  • Mailegu zerbitzua: liburuak, aldizkariak eta ikus-entzunezko materiala.
  • Bertako datu-baseak kontsultatzeko aukera: gizarte politikari eta desgaitasunari buruzko liburuen eta legeen inguruko datu baseak.
  • Nazioko eta nazioarteko beste datu batzuk kontsultatzeko aukera.
  • Gizarte baliabideei buruzko informazioa eta aholkua.
  • Desgaitasunaren Iberoamerikako Biltegiaren (RIBERDIS) kudeaketa eta garapena.
  • Desgaitasunaren Espainiako Aldizkariren edizioa eta Koordinazioa.
  • Desgaitasunari buruzko Errege Patronatuaren buletin digitalaren edizioa.
  • Desgaitasunari buruzko Errege Patronatuaren argitalpen ofizialen edizioa eta banaketa.
  • CEDD erakundea Desgaitasunari buruzko Informazio eta Dokumentazioaren Espainiako Sarearen (REDiD) parte da, Desgaitasunaren Estatu Behatokiarekin (OED) eta Desgaitasunari buruzko Informazio Zerbitzuarekin (SID) batera.

1980. urtetik aurrera, Eguía Careaga Fundazioak (SIIS, Dokumentazio eta Ikerketa Zentroa) kudeatu du CEDD erakundea, lankidetza-itun baten bitartez.